किरकोळ अर्जावर आदेश

आदेश दिनांक – २४/११/२०२०

 (द्वारा अध्‍यक्ष : श्री.विजय चंद्रलाल प्रेमचंदानी)

__________________________________________________________

१.   तक्रारदार स्‍वतः हजर. सामनेवालेतर्फे वकील हजर. तक्रारदारातर्फे दस्‍तऐवज दाखल करण्‍याकरीता परवानगीचा अर्ज सादर. सदर अर्ज मंजुर, दस्‍तऐवज दाखल. उभयपक्षांतर्फे सदर अर्जावर तोंडी युक्तिवाद ऐकण्‍यात आला. तक्रारदाराने सामनेवाले यांनी तक्रारदार यांचा विद्युत पुरवठा बेकायदेशीरपणे खंडीत केला व तक्रारदाराने वारंवार सामनेवालेंना विद्युत पुरवठा पुरर्ववत सुरू करणेबाबत अर्ज करूनही तसेच तक्रार नोंदवूनही कोणतीही दखल घेतली नाही. म्‍हणुन परत तक्रारदाराचा विद्युत पुरवठा पुर्ववत सुरू करण्‍यात यावा असा विनंती अर्ज सादर केलेला आहे. सामनेवालेने सदर अर्जावर जबाब व कैफीयत दाखल केलेली आहे. त्‍यात सामनेवालेने तक्रारदाराचा विद्युत पुरवठा २०१९ मध्‍ये  खंडीत करण्‍यात आलेला होता व कलम ५६ प्रमाणे तक्रारदाराला नोटीस पाठवुनही तक्रारदाराने पुर्ण बिलांचा भरणा केलेला नाही. म्‍हणुन कोणतीही सेवेत त्रुटी दिलेली नाही व जर तक्रारदाराने योग्‍यरितीने अर्ज व पुन्‍हा विद्युत पुरवठा जोडणीबाबत असलेले शुल्‍क नियमानुसार भरले तर सामनेवाले तक्रारदाराचा विद्युत पुरवठा देण्‍यात तयार आहे.  उभय पक्षांचा सदर अर्जावर युक्तिवाद ऐकण्‍यात आला. तक्रारदाराने युक्तिवादात असे सांगितले की, दिनांक २८-०१-२०१९ रोजी तक्रारदाराने सामनेवालेंना दिलेल्‍या देयकापैकी रक्‍क्‍म रूपये १,०००/- भरले असतांना त्‍यात रूपये १,०००/- बाकी होते व कलम ५६ प्रमाणे कोणतीही पुर्व सुचना देण्‍यात आलेली नव्‍हती. तक्रारदाराची रक्‍कम भरल्‍यानंतर कोणतीही वाट न पाहता सामनेवालेने तक्रारदाराचा विद्युत पुरवठा खंडीत केलेला आहे व वेळोवेळी सुचना देवुनसुध्‍दा त्‍यावर कोणतीही दखल घेतलेली नाही. सामनेवालेने युक्तिवादात असे सांगितले की, तक्रारदाराने विद्युत पुरवठा जोडणीकरीता नियमानुसार अर्ज करावा व शुल्‍क भरावे व विद्युत पुरवठा सुरू करून देण्‍यात कोणतीही हरकत नाही. सबब खालीलप्रमाणे आदेश करण्‍यात येत आहे.     

आ दे श