किरकोळ अर्जावर आदेश

आदेश दिनांक – १०/०२/२०२१

 (द्वारा अध्‍यक्ष : श्री.विजय चंद्रलाल प्रेमचंदानी)

__________________________________________________________

१.  तक्रारदाराने निशाणी ४ वर किरकोळ अर्ज दाखल केलेला आहे. त्‍यात तक्रारदाराने असे नमुद केलेले आहे की, तक्रारदाराची गाडी सामनेवालेने बाकी दाखवुन अ‍नधिकृतरितीने व बेकायदेशीरित्‍या दिनांक १६-०३-२०२० रोजी ताब्‍यात घेतली व वाहन सामनेवाले कंपनीने लिलावात विक्री करून नये म्‍हणुन मनाई हुकुम सामनेवालेविरूध्‍द देण्‍यात यावा, अशी विनंती करण्‍यात आली.

२.   सदर अर्जावर सामनेवाले यांना नोटीस काढण्‍याचा आदेश निशाणी ४ वर पारीत करण्‍यात आला व त्‍याचे अनुषंगाने सामनेवाले यांना दिनांक २२-०९-२०२० रोजी नोटीसची बजावणी झाली. तरीसुध्‍दा सामनेवाले प्रकरणात हजर झाले नाही व सदर अर्जावर कोणतेही म्‍हणणे/ जबाब दाखल केला नाही. निशाणी ४ चा अर्ज सामनेवालेविरूध्‍द एकतर्फा चालविणेवर तक्रारदाराचा युक्तिवाद ऐकण्‍यात आला.

३.   तक्रारदाराकडुन सामनेवालेने बेकायदेशीररित्‍या वाहन क्रमांक एमएच-१६-सी.सी.-१९४९ दिनांक १६-०३-२०२० रोजी ताब्‍यात घेतले. ही बाब तक्रारदाराने पुराव्‍यावरून किंवा साक्षी पुराव्‍याचे आधारे सिध्‍द करावी. सामनेवालेने जर सदर प्रकरण प्रलंबीत असतांना वादातील वाहनाचा लिलाव केला तर तक्रारदाराला नुकसान होऊ शकते यात वाद नाही.  म्‍हणुन न्‍यायाचे दृष्‍टीने तक्रारीचा निकाल होईपर्यंत सदर वादातील वाहनाचा सामनेवालेने लिलावा करून नये, असे मत आयोगाचे आहे. सबब खालीलप्रमाणे आदेश पारीत करण्‍यात येत आहे. 

आ दे श