निशाणी क्रं 1 वरील आदेश

(आदेश पारित दिनांक-11 जुलै, 2023)

       दरखास्‍तकर्ती श्रीमती कांताबाई खांडेकर व त्‍यांचे वकील श्री सुधीर मेश्राम तसेच गैरअर्जदार श्री मोरेश्‍वर रामाजी मेश्राम हे दिनांक-10.07.2023 रोजी मा. जिल्‍हा ग्राहक आयोगा समक्ष हजर झाले होते. दरखास्‍तकर्ती व त्‍यांचे वकील श्री सुधीर मेश्राम यांनी दिनांक-10.07.2023 रोजी त्‍यांचे सहीची पुरसिस दाखल करुन त्‍यात असे नमुद केले होते की, गैरअर्जदार यांनी आदेशाची पुर्तता केलेली असल्‍याने प्रस्‍तुत दरखास्‍त मागे घ्‍यावयाची आहे. दरखास्‍तकर्ती व त्‍यांचे वकीलांचे पुरसिस वरुन प्रस्‍तुत दरखास्‍त प्रकरणात गैरअर्जदार यांनी पुर्तता केलेली असल्‍याने दरखास्‍त काढून टाकण्‍यात येऊन नस्‍तीबध्‍द करण्‍यात येते. गैरअर्जदार यांनी दाखल केलेले बेलबॉन्‍डस या आदेशान्‍वये निरस्‍त करण्‍यात येतात. गैरअर्जदार यांना ग्राहक संरक्षण कायदा 2019 चे कलम 72 चे गुन्‍हयातून मुक्‍त करण्‍यात येते. निशाणी क्रं 1 वर आदेश पारीत. आदेशाची नोंद उभय पक्षकार यांनी घ्‍यावी.