Dated the 04 Dec 2015

(द्वारा मा. अध्‍यक्षा सौ. स्‍नेहा एस. म्‍हात्रे)

तक्रारदार गैरहजर. सामनेवाले गैरहजर.

प्रस्‍तुत प्रकरणात सामनेवाले यांनी दि. 24/02/2014 रोजी लेखी कैफियत दाखल केली असून तक्रारदार दि. 16/04/2015, दि. 27/08/2015 रोजी गैरहजर आहेत. मागील तारखेस त्‍यांचे वकील अॅड. भावना सावंत यांनी निवेदन केले की तक्रारदार मागील 4-5 तारखांपासून गैरहजर आहेत. तक्रारदारांना शपथपत्र दाखल करण्‍यासाठी अंतिम संधी देण्‍यात यावी. त्‍याप्रमाणे आजरोजी शपथपत्र दाखल करणेकामी अंतिम संधी देणेत आली होती. तक्रारदार आजही गैरहजर आहेत.

संचिकेची पाहणी केली असता असे दिसून येते की, तक्रारदार हा मंचापुढे नियमितपणे हजर राहत नाही. त्‍यांच्‍या गैरहजेरीमुळे प्रकरणात आवश्‍यक व योग्‍य ती प्रगती होऊ शकली नाही. तक्रारदार याला या प्रकरणांत तक्रार पुढे चालविण्‍यात स्‍वारस्‍य दिसून येत नाही व ते त्‍याबाबत जागृत/सजग व गंभीर आहे असे मंचास वाटत नाही. ज्‍याअर्थी तक्रारदार यांना स्‍वारस्‍य नाही त्‍याअर्थी अंतिम आदेश पारीत केल्‍यास तो कागदोपत्री सोपस्‍कार ठरेल. सबब, ही तक्रार ग्राहक संरक्षण कायदा कलम 13(2)(सी) प्रमाणे खारीज/Dismissed For Default करण्‍यात येते.

खर्चाबाबत आदेश नाही.

हाच अंतीम आदेश समजण्‍यात यावा.

या आदेशाच्‍या प्रती उभय पक्षकारांना निःशुल्‍क टपालाने पाठविण्‍यात याव्‍यात.