निकाल

                       दिनांक- 05.08.2014

                  (द्वारा- श्री.विनायक रावजी लोंढे, अध्‍यक्ष)

           तक्रारदार समुन रामभाऊ सानप यांनी सदरील तक्रार ग्राहक संरक्षण कायदा 1986 कलम 12 अन्‍वये सामनेवाले  यांनी  सेवेत कसूर केल्‍यामुळे नुकसान भरपाई मिळणेसाठी व सामनेवाले यांनी चूकीचे विज देयक दिले ते रदद करण्‍यासाठी व विद्यूत प्रवाहाची तात्‍काळ जोडणी करण्‍यासाठी आदेश मिळावेत म्‍हणून दाखल केली आहे.

             तक्रारदारांची तक्रार थोडक्‍यात खालील प्रमाणे, तक्रारदार हे मौजे सौताडा ता.पाटोदा जि.बीड येथील रहिवाशी आहेत. तक्रारदार हे व्‍यवसायाने शेतकरी आहेत. सामनेवाले हे सौताडा ता.पाटोदा या विभागाला विद्यूत पुरवठा करणारी संस्‍था आहे. तक्रारदार यांचे मालकीचे मौजे सौताडा येथे सवर्हे नंबर 487 मध्‍ये एक हेक्‍टर 62 आर जमिन आहे. सदरील जमिर बागायती आहे. सदरील जमिनीत एक जूनी विहीर आहे. तक्रारदार  यांनी एक वर्षापूर्वी बोअर घेतला आहे. तक्रारदार यांनी सामनेवाले यांचेकडे विहीरीवर 3 एच.पी.  मोटार पंप बसविण्‍याकरिता दि.4.12.2006 रोजी अर्ज दिला. तक्रारदार यांनी दि.27.1.2010 रोजी सदरील विद्यूत पंपाचे कोटेशन म्‍हणून रु.5750/- भरले आहे. त्‍यांची पावती नंबर 8502738 असा आहे. तक्रारदार यांनी सामनेवाले यांचेकडे कोटेशन भरुनही आजपर्यत खांब तारा जोडून विज जोडणी केलेली नाही. विद्यूत जोडणी केलेली नसतानाही तक्रारदार यांना विद्यूत देयक देण्‍यात आलेले आहेत. तक्रारदार यांनी सामनेवाले यांचेकडे तोंडी व लेखी विनंती करुनही विद्यूत जोडणी करुन दिली नाही. तक्रारदार यांनी दि.29.10.2012, दि.30.12.2013 रोजी सामनेवाले यांचेकडे अर्ज दिला. विद्यूत देयक रदद करण्‍या बाबत विनंती केली. तसेच माहीतीच्‍या अधिकारानुसार अर्जही दिला. सामनेवाले यांनी तक्रारदार यांना रक्‍कम रु.11,460/- विज देयक दिलेले आहे. विद्यूत जोडणी चा सर्व्‍हे बेंद नांवाने असून विद्यूत पुरवठा घेणेसाठी एकूण पंधरा पोल बसविणे आवश्‍यक आहे.  तक्रारदार,भूंजग बलभीम शिंदे, व तिसरे कांतीलाल सोनाजी सानप  यांचे विद्यूत पुरवठा कामी कोटेशन आहे. तिन्‍ही शेतक-यांनी कोटेशन भरुन सामनेवाले यांनी विद्यूत पूरवठा केलेला नाही. तक्रारदार यांहचे विहीर व बोअरला मुबलक पाणी आहे. तक्रारदार हे सदरील पाण्‍याचा उपभोग घेऊ शकत नाही. त्‍यामुळे तक्रारदार यांचे नुकसान झाले आहे. तक्रारदार यांनी सामनेवाले यांचेकडून आर्थिक नुकसान, मानसिक व शारीरिक त्रास व खर्चापोटी एकूण रु.4,13,000/- नुकसान भरपाई मिळावी अशी मागणी केली आहे.  तसेच विद्यूत प्रवाह जोडलेला नसताना विज देय दिलेले आहेत ते रदद करण्‍यात यावेत अशी मागणी केली आहे.

            सामनेवाले हे मंचासमोर हजर झाले. सामनेवाले यांनी नि.13 अन्‍वये लेखी म्‍हणणे सादर केले. सामनेवाले यांचे कथन की, सामनेवाले यांचे कर्मचारी तक्रारदार यांचेकडे वेळोवेळी जाऊनही तक्रारदार यांनी सहकार्य  न केल्‍यामुळे विद्यूत पोल उभे करता आले नाही. सामनेवाले यांनी पूढे असे कथन केले आहे की, विद्यूत कंपनीचे काम संगणकीय झाले असल्‍यामुळे तक्रारदार यांचे कोटेशन भरल्‍याची नोंद संगणकामध्‍ये झाल्‍यामुळे विद्यूत देयक देण्‍यात आली आहेत. सदर विद्यूत देयक ही चूकीने तक्रारदार यांना दिलेली आहेत. सदरील विद्यूत देयक रदद करण्‍यात येतील. तक्रारदार यांनी सहकार्य केल्‍यास विद्यूत खांब तात्‍काळ उभे करुन विद्यूत जोडणी देण्‍यात येईल.  सामनेवाले यांनी असे कथन केले आहे की, तक्रारदार यांचे शेतापर्यत एकण 15 पोल उभे करुन त्‍यावर लाईन ओढल्‍यानंतरच जोडणी देता येईल. सदरील 15 पोल हे त्‍यांचे भागातील विविध शेतक-याचे शेतामधून जातात. तक्रारदार व संबंधीतानी ज्‍या शेतामध्‍ये पोल उभे करावयाचे आहे त्‍या शेतक-यांची परवानगी घेण्‍याविषयी सहकार्य करावे. तक्रारदार हे पोल बसवणे कामी सहकार्य करीत नाहीत. सामनेवाले यांनी वर्क ऑर्डर दिलेली आहे. तक्रारदार यांनी चूकीच्‍या माहीतीच्‍या आधारे सदरील तक्रार दाखल केली आहे. सबब, तक्रारदार यांनी तक्रार रदद करण्‍यात यावी.

            तक्रारदार यांनी तक्रारीसोबत कोटेशन भरल्‍याची पावती, सामनेवाले यांनी दिलेले विद्यूत देयक, सामनेवाले यांना दिलेला अर्ज, 7/12 चा उतारा हजर केला आहे. तक्रारदार यांनी स्‍वतःचें शपथपत्र हजर केले आहे. सामनेवाले यांनी लेखी म्‍हणणे सादर केले आहे व ते सामनेवाले यांचे शपथपत्र म्‍हणून समजण्‍यात यावे अशी पुरशीस दिली आहे. तक्रारदार यांचे वकील श्री. भगत यांचा यूक्‍तीवाद ऐकला सामनेवाले यांची वकील श्री. पाटील यांचा यूक्‍तीवाद ऐकला. न्‍याय निर्णयासाठी खालील मुददे उपस्थित होतात.

            मुददे                                                  उत्‍तर

1.     सामनेवाले यांनी तक्रारदार यांस विद्यूत जोडणी देण्‍यास विलंब

      करुन सेवेत त्रूटी ठेवली आहे ही बाब तक्रारदार शाबीत करतात

      काय                                                         होय.

2.    सामनेवाले यांनी तक्रारदार यांना विद्यूत जोडणी करुन दिलेली

      नसताना चूकीचे विद्यूत देयक दिली आहे ही बाब तक्रारदार

      शाबीत करतात काय                                            होय.

3.    तक्रारदार हे तक्रारीत केलेली मागणी मिळण्‍यास पात्र आहेत काय        होय.

4.    काय आदेश                                       अंतिम आदेशाप्रमाणे.

                                    कारणमिंमासा

मुददा क्र.1 ते 3 ः-

            तक्रारदार व सामनेवाले यांचेमध्‍ये  खालील बाबी विषयी वाद नाही. तक्रारदार यांनी सामनेवाले यांचेकडे दि.27.01.2010 रोजी विद्यूत पूरवठा करण्‍यासाठी 3 एच.पी. पंपाचे कोटेशन रक्‍कम रु.5750/- भरले आहे. तक्रारदार हे व्‍यवसायाने शेतकरी असून त्‍यांचे शेतामध्‍ये विहीर व बोअर घेतलेला आहे. सामनेवाले यांनी तक्रारदार यांना विद्यूत जोडणी करुन दिली नाही असे असतानाही सामनेवाले यांनी तक्रारदार यांना विद्यूत देयक दिलेली आहेत. ते विद्यूत देयक चूकीने दिली आहे ही बाब सामनेवाले यांना कबूल आहे. सामनेवाले हे सदर विद्यूत देयक रदद करण्‍यास तयार आहेत. तक्रारदार यांचे विहीरीपर्यत विद्यूत प्रवाह वाहून नेण्‍यासाठी साधारणपणे 15 विद्यूत पोलची आवश्‍यक आहे.

            तक्रारदार यांचे वकील श्री. भगत यांनी असा यूक्‍तीवाद केला की, तक्रारदार व इतर तिन लोकांनी त्‍यांचे विहीरीवर विद्यूत जोडणी करण्‍यासाठी सामनेवाले यांचेकडे कोटेशनची रक्‍कम भरली आहे. रक्‍कम भरली असतानाही  वेळोवेळी मागणी करुन सामनेवाले यांनी विद्यूत पूरवठा केला नाही. याउलट विद्यूत पूरवठा न करता तक्रारदार यांनी विज वापरा बाबत चूकीची देयके दिली आहेत. तक्रारदार यांना वेळोवेळी  सामनेवाले  यांचेकडे विद्यूत प्रवाह जोडून देणे बाबत विनंती केली परंतु सामनेवाले यांनी त्‍यांची दखल घेतली नाही. तक्रारदार हे नियमाप्रमाणे ज्‍या ज्‍या बाबी करणे आवश्‍यक आहेत त्‍या करण्‍यास तयार आहेत. तक्रारदार यांचे शेतामध्‍ये विहीर असून विहीरीस मूबलक पाणी आहे. विद्यूत पूरवठा न केल्‍यामुळे बागायती पिक घेऊ शकत नाही. त्‍यामुळे तक्रारदार यांचे नुकसान होत आहे. सबब, सामनेवाले यांनी विद्यूत पुरवठा जोडणी करुन देण्‍याचे निर्देश देण्‍यात यावेत व चूकीची बिले रदद करण्‍याचा आदेश देण्‍यात यावा.

            सामनेवाले यांचे वकील श्री. पाटील यांनी असा यूक्‍तीवाद केला की, तक्रारदार यांनी विद्यूत पोल बसवणेकामी सहकार्य केले नाही. त्‍यामुळे तक्रारदार यांना विद्यूत पूरवठा करण्‍यात आला नाही. तक्रारदार यांनी जर विद्यूत पोलचे कोटेशन भरुन आावश्‍यक ती रक्‍कम सामनेवाले यांचेकडे भरल्‍यास सामनेवाले हे विद्यूत पोल उभे करुन तक्रारदार यांची विद्यूत जोडणी देण्‍यास तयार आहेत. तसेच सामनेवाले यांचे वकीलांनी असा यूक्‍तीवाद केला की, तक्रारदार यांनी कोटेशन भरल्‍यानंतर त्‍यांची नोंद संगणकावरती करण्‍यात आली त्‍यामुळे तक्रारदार यांना विद्यूत वापराचे देयक देण्‍यात आले. सदरील बिले रदद करुन देण्‍यास सामनेवाले तयार आहेत.

            वर नमूद केलेला यूक्‍तीवाद लक्षात घेतला. तसेच तक्रारदार व सामनेवाले यांनी दाखल केलेला पुरावा यांचे अवलोकन केले. तक्रारदार यांनी 3 एच.पी. पंपासाठी विद्यूत जोडणी करण्‍यासाठी सामनेवाले यांचेकडे कोटेशन भरुन अनामत रक्‍कम जमा केलेली आहे. तक्रारदार यांचे विहीरीवर विद्यूत जोडणी करण्‍यासाठी सुमारे 15 पोलची आावश्‍यक आहे. तक्रारदार यांचे मते त्‍यांचे सोबत  दोन शेतक-यांनी कोटेशन भरले आहे. त्‍यांनाही विद्यूत पूरवठा करण्‍यात आलेला नाही. शेतक-याला विद्यूत पूरवठा करावयाचा असल्‍यास तो विद्यूत कायदयानुसार व नियमानुसार करावा लागतो. जर विद्यूत प्रवाह ज्‍याठिकाणी जोडावयाचा आहे त्‍यापासून डि.पी. चे अंतर जास्‍त असेल त्‍याकामी विद्यूत पोल बसवावे लागणार असेल तर जे पोल जास्‍तीचे लागतील त्‍यांचे कोटेशन शेतक-याने भरणे आवश्‍यक आहे. सदरील बाबीचा सामनेवाले यांनी विचार करुन तक्रारदार यांनी विद्यूत पोल कामी किती रक्‍कम भरावयास पाहिजे हे ठरवून देणे गरजेचे आहे. ते ठरवून दिल्‍यानंतर ती रककम भरुन घेऊन विद्यूत पोल उभे करुन तक्रारदार यांचा विद्यूत पूरवठा जोडून देणे आवश्‍यक आहे. तक्रारदार अगर सामनेवाले यांनी किती  पोल हवे या बाबत कोणताही पुरावा मंचासमोर हजर केला नाही. त्‍यामुळे सामनेवाले  यांनी नियमानुसार कार्यवाही करणे आवश्‍यक आहे. जर शेतक-यांना जास्‍तीचे पोल बसवावे लागणार असेल  तर त्‍यांचेकडून ती रक्‍कम नियमाप्रमाणे जमा करुन घ्‍यावी. सदरील बाबत तक्रारदार व सामनेवाले यांनी कोणतीही कारवाई केल्‍याचे निदर्शनास येत नाही. तक्रारदार यांना सामनेवाले यांनी विद्यूत पूरवठा जोडून दिला नाही या बाबत वेळोवेळी पत्रे दिेलेली आहेत. तक्रारदार यांनी विद्यूत देयक हजर केलेले आहेत. त्‍यांचे अवलोकन केले असता तक्रारदार यांना विद्यूत पुरवठा न करताही सामनेवाले यांनी देयक दिल्‍याचे या मंचाचे निदर्शनास येते. सदरील बिल रदद होण्‍यास पात्र आहेत.

            वर नमूद केलेल्‍या कारणमिमासेवरुन व समोर असलेल्‍या पुराव्‍यावरुन या मंचाचे मत की, सामनेवाले यांनी तक्रारदार यांना चूकीची बिले देऊन सेवेत त्रूटी ठेवली आहे. ती सर्व बिले रदद होण्‍यास पात्र आहेत. सामनेवाले यांना तक्रारदार यांचे विहीरीवर नियमानुसार विद्यूत पोल बसवणे कामी जी पूर्तता करणे गरजेचे आहे ती तक्रारदार यांचेकडून करुन घेऊन म्‍हणजेच जर तक्रारदार यांना विद्यूत पोलचे रक्‍कमेचे कोटेशन भरावे लागणार असेल तर ते कोटेशन भरुन घेऊन लवकरात लवकर खांब उभे करुन तक्रारदार यांचे विहीरीवर विद्यूत पूरवठा सूरु करुन देण्‍याचे निर्देश देणे उचित होणार आहे. तसेच तक्रारदार यांना सदरील तक्रार दाखल करावी लागली व त्‍या कामी खर्च करावा लागला त्‍यापोटी तक्रारदार यांना रक्‍कम रु.1000/- व झालेल्‍या मानसिक त्रासापोटी रक्‍कम रु.3,000/- मिळण्‍यास तक्रारदार पात्र आहेत.

            मुददा क्र.1 व 2 चे उत्‍तर होकारार्थी देण्‍यात येते.

            सबब, मंच खालीलप्रमाणे आदेश देत आहे.

                         आदेश

            1)  तक्रारदारांची  तक्रार मंजूर  करण्‍यात येत आहे.          

2)  सामनेवाले क्र.1 ते 3 यांना आदेश देण्‍यात येतो की, तक्रारदार यांना

    दिलेली विद्यूत देयक रदद करण्‍यात यावीत.

3)  सामनेवाले क्र.1 ते 3 यांना आदेश देण्‍यात येतो की, त्‍यांनी तक्रारदार

    यांचेकडून विद्यूत पोल कामी नियमानुसार रक्‍कम भरुन घेऊन, रक्‍कम

    भरल्‍यानंतर 30 दिवसांचे आंत विद्यूत पोल उभे करुन तक्रारदार यांचे

     विहीरीवर विद्यूत पूरवठा सूरु करुन दयावा.  

4)  सामनेवाले क्र.1 ते 3 यांना आदेश देण्‍यात येतो की, तक्रारदार   

    यांना शारिरीक  व मानसिक त्रासापोटी रक्‍कम  रु.3,000/- व 

    तक्रारीच्‍या खर्चापोटी  रककम रु.1000/- दयावेत.

5)  ग्राहक संरक्षण कायदा 1986 चे अधिनियम 2005 मधील कलम

                20 (3) प्रमाणे तक्रारीतील सदस्‍यांचे संच तक्रारदाराला परत

                करावेत.

     श्री.रविंद्र राठोडकर,        श्रीमती मंजुषा चितलांगे         श्री.विनायक लोंढे,

        सदस्‍य                      सदस्‍या                    अध्‍यक्ष

                      जिल्‍हा ग्राहक तक्रार निवारण मंच, बीड