1.           तक्रारकर्त्‍याने सदर तक्रार शेतकरी व्‍यक्‍तीगत अपघात विम्‍याची रक्‍कम मिळण्‍याकरीता दाखल केलेली आहे. तक्रारकर्त्‍याच्‍या वकिलांचा तक्रार दाखल करुन घेण्‍याच्‍या मुद्यावर युक्‍तीवाद ऐकला. तक्रारकर्त्‍याची तक्रार व दाखल केलेले दस्‍तऐवज यांचे अवलोकन केले असता ही बाब स्‍पष्‍ट होते की, तक्रारकर्ता हा रा. कोरेगाव, ता. वाळवा, जि. सांगली येथील राहिवासी आहे. तक्रारकर्त्‍याच्‍या वडिलांचा दि.21.03.2008 रोजी भाजी आणण्‍याकरीता मंडईत गेले असता अज्ञात वाहनाच्‍या धडकेने त्‍यांचा मृत्‍यु झाला असे तक्रारकर्त्‍याने तक्रारीत नमूद केले आहे. परंतू सदर अपघात कोठे झाला, तक्रारकर्त्‍याचे शेत कोणत्‍या ठिकाणी आहे, तसेच कोणत्‍या तहसिलदारांकडे तक्रारकर्तीचा विमा दावा अर्ज आणि इतर कागदपत्रे जमा केली याबाबत तक्रारीत कुठेही उल्‍लेख नाही. दस्‍तऐवजांचे अवलोकन केले असता ही बाब स्‍पष्‍ट होते की, तक्रारकर्त्‍याच्‍या वडिलांची शेती मौजा कोरेगाव, ता. वाळवा, जि. सांगली येथे गट क्र. 1317 ही आहे व तक्रारकर्त्‍याच्‍या वडिलांच्‍या मृत्‍युची नोंद ही पोलिस स्‍टेशन हातकणंगले येथे करण्‍यात आलेली आहे.

2.          तक्रारकर्त्‍याने शेतकरी व्‍यक्‍तीगत अपघात विमा योजना शासन निर्णयाची प्रत दाखल केलेली आहे. ज्‍यामध्‍ये स्‍पष्‍टपणे नमूद केले आहे की, घरातील कर्त्‍या व्‍यक्‍तीस झालेल्‍या अपघातामुळे कुटुंबाचे उत्‍पन्‍नाचे साधन बंद होऊन अडचणीची परिस्‍थीती निर्माण होत असल्‍याने अशा अपघातग्रस्‍त शेतक-यास/त्‍यांच्‍या कुटुंबास आर्थिक लाभ देण्‍यासाठी कोणतीही स्‍वतंत्र विमा योजना नसल्‍याने सदर योजना शासनाने कार्यान्‍वीत केलेली आहे. यामध्‍ये शासन निर्णयामध्‍ये प्रामुख्‍याने नमूद केले आहे की, राज्‍यातील महसुल विभागाकडील नोंदीप्रमाणे 12 ते 75 वयोगटातील शेतकरी यांचे वतीने शासन त्‍यांच्‍या व्‍यक्‍तीगत अपघात व अपंगत्‍व यासाठी प्रस्‍तुत शासन निर्णयाद्वारे विमा पॉलिसी उतरवित आहे. यामध्‍ये विमा कंपनीची नावे आणि त्‍या‍ विमा कंपनीला सोपविण्‍यात आलेले कार्यक्षेत्र हे नमूद केलेले आहे. तक्रारकर्त्‍याची शेती ही मौजा कोरेगाव, ता. वाळवा, जि. सांगली येथे आहे. तसेच तिथल्‍याच तहसिलदाराकडे तक्रारकर्त्‍याने विमा दावा प्रपत्र दाखल केले असे तक्रारकर्ता आपल्‍या तक्रारीत नमूद करतो. शासन निर्णयानुसार तक्रारकर्त्‍याने त्‍याचे शेत ज्‍या कार्यक्षेत्रात येते, त्‍या कार्यक्षेत्रातील संबंधित अधिका-याकडे म्‍हणजेच तालुका निरीक्षक व तहसिलदार यांचेकडे विमा दावा दाखल केलेला आहे. त्‍यामुळे सदर तक्रार नागपूर मंचाचे कार्यक्षेत्रात येत नाही. करीता तक्रारकर्त्‍याची तक्रार त्‍याला परत करण्‍यात येते. तक्रारकर्ता योग्‍य त्‍या मंचासमोर दाद मागण्‍यास मुक्‍त आहे. करीता खालीलप्रमाणे आदेश.