(द्वारा अध्‍यक्ष : श्री.विजय चंद्रलाल प्रेमचंदानी)

___________________________________________________________

१.   तक्रारदार यांनी सामनेवालेकडुन मोबाईल खरेदी केला असुन तो वारंवार आपोआप बंद पडत आहे.  तक्रारदाराने सामनेवाले यांना दुरूस्‍त करून देण्‍यास विनंती केली.  सामनेवाले यांनी तो दुरूस्‍त करून दिला नाही. म्‍हणुन सदर तक्रार मंचासमक्ष दाखल केली आहे. तक्रारदार स्‍वतः हजर व  प्राथमीक युक्तिवाद ऐकुण असे दिसुन आले की, सदर तक्रारदाराने मोबाईल  अॅमॉझॉन कंपनीकडुन खरेदी केला होता. सदर मोबाईलची रक्‍कम तक्रारदाराने त्‍याच्‍या  मुलाच्‍या खात्‍यातुन अॅमॉझॉन कंपनीला दिली होती. सदर खाते पुणे ची बॅंक शाखा आहे.  सामनेवालेचेे पत्‍ते पुणे व वसई असे  असुन ग्राहक संरक्षण कायदा कलम १९८६ कलम ११ (२) प्रमाणे सदर तक्रार या मंचाच्‍या अधिकार क्षेत्रात बसत नाही.  सबब खालीलप्रमाणे आदेश पारीत करण्‍यात येत आहे.

आ दे श

           १)   तक्रारदाराची तक्रार या मंचाच्‍या अधिकारक्षेत्रात बसत नसल्‍याने नस्‍तीबध्‍द करण्‍यात येत आहे. 

           २)    तक्रारदाराने त्‍याची तक्रार नव्‍याने योग्‍य मंचात दाखल करण्‍याची परवानगी देण्‍यात येत आहे.   

          ३)   या तक्रार अर्जाचा खर्च तक्रारदाराने स्‍वतः सहन करावा.

         ४)   या आदेशाची प्रथम प्रत उभय पक्षकार यां निःशुल्‍क देण्‍यात यावी.

         ५)   तक्रारदार यांना सदर प्रकरणाची "ब" व "क" फाईल परत करावी.