अर्जदार यांनी घरगुती वापरासाठी वीज पुरवठा घेतला आहे. त्‍यांना देण्‍यात आलेल्‍या वाढीव वीज बिलाच्‍या तक्रारीची गैरअर्जदार यांनी दखल न घेतल्‍यामुळे अर्जदाराने मंचात तक्रार दाखल केली आहे.

 

 

            अर्जदाराने तक्रारी सोबत गैरअर्जदार यांनी दिलेली वीज बिले, गैरअर्जदार यांना दिलेली तक्रार इ. कागदपत्रे दाखल केली आहेत.

 

            गैरअर्जदार यांनी मंचात दाखल केलेल्‍या जवाबानुसार जानेवारी 2012 ते मार्च 12 या काळात मीटर रिडींग उपलब्‍ध न झाल्‍यामुळे अर्जदारास सरासरीवर आधारीत वीज बिल दिले. अर्जदाराचा वीज वापर जास्‍त असून मार्च 2012 मध्‍ये त्‍यांना 1565.72 रुपये वीज बिलातून कमी करुन दिले आहेत. जून 2012, ऑगस्‍ट 2012 या महिन्‍यात त्‍यांना वीज बिल कमी करुन दिले आहे. अर्जदार वीज बिल नियमितपणे भरत नसल्‍याचे सांगून तक्रार खारीज करण्‍याची विनंती केली आहे. गैरअर्जदार यांनी जवाबासोबत अर्जदाराचे सीपीएल दाखल केले आहे.

 

            अर्जदार व गैरअर्जदार यांनी मंचात दाखल केलेल्‍या कागदपत्रांवरुन असे आढळून येते की अर्जदार यांनी घरगुती वापरासाठी वीज पुरवठा घेतला आहे. त्‍यांचा ग्राहक क्रमांक 490012527516 असा असून मीटर क्रमांक 641649608 असा आहे. गैरअर्जदार यांनी अर्जदाराचे जुलै 2011 ते सप्‍टेबर 2012 या कालावधीचे सीपीएल मंचात दाखल केले आहे. या सीपीएल चे निरीक्षण केलयावर असे दिसून येते की डिसेंबर 2011 पर्यंत दोन्‍ही पक्षात वीज बिलाबाबत वाद नव्‍हता. जानेवारी 2012 ते मार्च 2012 या कालावधीत गैरअर्जदार यांनी अर्जदारास फॉल्‍टी मीटर दर्शवून 171 युनिट वीज वापराचे सरासरीवर आधारीत वीज बिल दिले. एप्रील 2012 मध्‍ये मागील रिडींग 2304 व चालू रिडींग 2541 दर्शवून 438 युनिट वीज वापराचे बिल अर्जदारास आकारण्‍यात आले व या बिलातून 1565.72 रुपये क्रेडीट केल्‍याचे दिसून येते. मे 2012 नंतर अर्जदारास मीटर वरील रिडींग प्रमाणे बिल आकारणी केली असल्‍याचे दिसून येते. एप्रील 2012 मध्‍ये गैरअर्जदार यांनी जरी 1565.72 रुपये वीज बिलातून कमी केले असले तरी अर्जदारास जानेवारी 2012 ते मार्च 2012 या तीन महिन्‍यात वीज आकारापोटी 557.27 + 557.27 + 562.97 = 1677.11 रुपये तसेच इंधन अधिभार व वीज शुल्‍कापोटी अनुक्रमे 168.83 व 318.82 तसेच डिपीसी चार्जेस म्‍हणून लावलेले 34.54 रुपये कमी असे एकूण 2199.70 रुपये लावण्‍यात आलेले दिसून येते. गैरअर्जदार यांनी 1565.72 रुपये कमी केले परंतु त्‍याबद्दल कोणतेही विवरण मंचात दाखल केलेले नाही. अर्जदारास लावण्‍यात आलेल्‍या विविध दराची एकूण रक्‍कम रु 2199.70 लक्षात घेता गैरअर्जदार यांनी केवळ 1565.72 रुपयेच एप्रील 2012 च्‍या वीज बिलातून वजा केले असल्‍याचे दिसून येते.