जिल्हा ग्राहक तक्रार निवारण मंच, उस्मानाबाद.
ग्राहक तक्रार क्रमांक : ३४१/२०१९. तक्रार दाखल दिनांक : ०२/११/२०१९. तक्रार आदेश दिनांक : २४/०३/२०२१. कालावधी: ०१ वर्षे ०४ महिने २२ दिवस
श्री. शेषेराव श्रीरंग टेकाळे, वय ७० वर्षे, व्यवसाय : शेती,
रा. रत्नापूर, ता. कळंब, जि. उस्मानाबाद, ह.मु. समता नगर,
उस्मानाबाद, ता. जि. उस्मानाबाद. तक्रारकर्ता
विरुध्‍द
(1) दी उस्मानाबाद जिल्हा मध्यवर्ती सहकारी बँक लि., उस्मानाबाद,
शाखा : येरमाळा, ता. कळंब, जि. उस्मानाबाद करिता शाखाधिकारी.
(2) दी उस्मानाबाद जिल्हा मध्यवर्ती सहकारी बँक लि., उस्मानाबाद,
शाखा : जिल्हा परिषद, उस्मानाबाद करिता शाखाधिकारी.
(3) दी उस्मानाबाद जिल्हा मध्यवर्ती सहकारी बँक लि., उस्मानाबाद,
मुख्य कार्यालय, उस्मानाबाद, ता.जि. उस्मानाबाद करिता
प्रशासकीय अधिकारी. विरुध्‍द पक्ष
गणपुर्ती :- (१) श्री. किशोर दत्‍तात्रय वडणे, अध्‍यक्ष
(२) श्री. मुकुंद भगवान सस्‍ते, सदस्‍य
(३) श्री. शशांक शरदचंद्र क्षीरसागर, सदस्‍य
तक्रारकर्ता यांचेतर्फे विधिज्ञ :- एस.एस. निकम
विरुध्‍द पक्ष यांचेतर्फे प्रतिनिधी
आदेश
१. उभय पक्षांनी दि.२/३/२०२० रोजी केलेल्‍या तडजोड पुरसीसचे अवलोकन केले असता विरुध्‍द पक्ष यांनी पूर्तता करण्‍याची अंतीम तारीख दि.२/४/२०२१ आहे. तडजोड पुरसीसमध्ये नमूद केल्यानुसार दि.२/४/२०२० ते २/४/२०२१ या कालावधीमध्‍ये तक्रारकर्ता यांच्‍या बचत खाते क्र.७०११ मधील रकमेचे प्रथम ४ हप्ते रु.१४,०००/- व अंतीम हप्ता रु.१३,००००/- असे एकूण ५ हप्‍त्‍यांमध्‍ये विरुध्‍द पक्ष यांनी रक्‍कम अदा करावयाची आहे.
२. अभिलेखावर दाखल तडजोडपत्राचे अवलोकन केले असता उभय पक्षांमध्‍ये परस्‍पर समन्वयाने तडजोड झालेली आहे. असे दिसते की, उभयतांनी अटीदर्शक तडजोडपत्र तयार केलेले आहे आणि तडजोडपत्रावर तक्रारकर्ता व विरुध्‍द पक्ष यांची स्‍वाक्षरी आहे.
३. आज दि.२४/३/२०२१ रोजी विरुध्‍द पक्ष यांनी लेखी अर्जाद्वारे विनंती केली की, त्‍यांनी तक्रारकर्ता यांना ४ हप्ते दिलेले आहेत आणि ग्राहक तक्रार निकाली काढावी. त्‍यापृष्‍ठयर्थ त्‍यांनी खाते उतारा दाखल केला आहे.
४. सद्यस्थितीमध्ये तक्रारकर्ता यांना १ हप्ता अदेय आहे. त्यामुळे तडजोडपत्रानुसार विरुध्‍द पक्ष यांनी तक्रारकर्ता यांना उर्वरीत रक्‍कम अदा न केल्‍यास देय तारखेपासून द.सा.द.शे. ९ टक्‍के व्‍याज दराने रक्‍कम मिळण्‍यास तक्रारकर्ता पात्र राहतील, अशा निर्देशासह ग्राहक तक्रार निकाली काढणे न्‍यायोचित आहे. अंतिमत: खालीलप्रमाणे आदेश करण्‍यात येतो.
आदेश
(1) उभय पक्षांतील तडजोडपत्रास अधीन राहून ग्राहक तक्रार निकाली काढण्‍यात येते.
(2) उभय पक्षांतील तडजोडपत्रानुसार विरुध्‍द पक्ष यांनी तक्रारकर्ता यांना रक्‍कम अदा न केल्‍यास संबंधीत देय असणारी रक्‍कम त्‍या-त्‍या देय तारखेपासून द.सा.द.शे. ९ टक्‍के व्‍याज दराने देय राहील.
(श्री. किशोर द. वडणे)
(श्री. मुकुंद भ. सस्‍ते) अध्‍यक्ष (श्री. शशांक श. क्षीरसागर)
सदस्‍य सदस्‍य
जिल्हा ग्राहक तक्रार निवारण आयोग, उस्मानाबाद.
-oo-
