तक्रारदार गैरहजर. सामनेवाले क्र. 1 चे प्रतिनिधी वकील श्रमिका साठे हजर. सामनेवाले क्र. 2 चे वकील धोंडे हजर.

सामनेवाले क्र. 1 व 2 यांनी दि. 12/11/2014 रोजी लेखी कैफियत दाखल केली आहे. तक्रारदारांचे पुरावा  शपथपत्रासाठी प्रकरण ब-याच कालावधीपासून प्रलंबित आहे. तक्रारदारांचे वकीलांनी दि. 12/11/2014 रोजी सामनेवाले यांच्‍या लेखी कैफियतीची प्रत स्विकारली आहे. तक्रारदारांना दि. 11/02/2015 रोजी पुरावा  शपथपत्र दाखल करणेसाठी अंतिम संधी देणेत आली होती. तसेच दि. 08/07/2015 रोजी रु. 300/- कॉस्‍टसहीत पुरावा शपथपत्र दाखल करणेची मुदत देणेत आली होती. मागील दोन तारखेसही तक्रारदार गैरहजर होते व आजही गैरहजर आहेत. सामनेवाले क्र. 1 व 2  यांचे वकीलांनी निवेदन केले की तक्रारदार सातत्‍याने गैरहजर आहेत.

संचिकेची पाहणी केली असता असे दिसून येते की, तक्रारदार हा मंचापुढे नियमितपणे हजर राहत नाही. त्‍यांच्‍या गैरहजेरीमुळे प्रकरणात आवश्‍यक व योग्‍य ती प्रगती होऊ शकली नाही. तक्रारदार याला या प्रकरणांत तक्रार पुढे चालविण्‍यात स्‍वारस्‍य दिसून येत नाही व ते त्‍याबाबत जागृत/सजग व गंभीर आहे असे मंचास वाटत नाही.  ज्‍याअर्थी तक्रारदार यांना स्‍वारस्‍य नाही त्‍याअर्थी अंतिम आदेश पारीत केल्‍यास तो कागदोपत्री सोपस्‍कार ठरेल. सबब, ही तक्रार ग्राहक संरक्षण कायदा कलम 13(2)(सी) प्रमाणे खारीज/Dismissed For Default करण्‍यात येते.

खर्चाबाबत आदेश नाही.

हाच अंतीम आदेश समजण्‍यात यावा.

या आदेशाच्‍या प्रती उभय पक्षकारांना निःशुल्‍क टपालाने पाठविण्‍यात याव्‍यात.