किरकोळ अर्जावर आदेश

आदेश दिनांक – ०६/०४/२०२१

 (द्वारा मा. अध्‍यक्ष : श्री.विजय चंद्रलाल प्रेमचंदानी)

__________________________________________________________

१.  तक्रारदाराने नोडल ऑफीसरद्वारे सामनेवाले कंपनीकडुन शेतकरी अपघात विमा करीता विमा दावा दाखल केला होता. सदर विमा मंजुरीबाबत कोणतीही माहिती सामनेवालेकडुन मिळाली नसल्‍याने तक्रारदाराला सदर तक्रार दाखल करणेकरीता विलंब झालेला आहे व सदर विलंब माफ करून तक्रारदाराची तक्रार  दाखल करून घेण्‍यात यावी, असा विनंती अर्ज सादर केलेला आहे.

२.  सदर अर्जावर सामनेवाले यांना नोटीस पाठविण्‍यात आली. नोटीस प्राप्‍त  झाल्‍यावर सामनेवाले हजर होऊन असे नमुद केले आहे की, विलंब माफ करणेची प्रत्‍येक दिवसाचे कारण नमुद केलेले नाही व विलंबाबाबत कोणतेही कागदपत्र जोडलेले नाही. तक्रारदाराचा विलंब माफीचा अर्ज खर्चासह खारीज करण्‍यात यावा. 

३.   उभयपक्षांचा सदर अर्जावर युक्तिवाद ऐकण्‍यात आला. सामनेवाले कंपनीने जबाबात असे नमुद केले आहे की, तक्रारदाराचा विमा दावा नाकारलेबाबत त्‍याची माहिती तक्रारदाराला दिनांक २५-०७-२०१६ रोजी पत्राद्वारे देण्‍यात आली होती. परंतु सदर पत्र पाठविलेबाबत कोणताही कागदोपत्री पुरावा किंवा पोस्‍ट पावतीचा पोहच अहवाल सादर केलेला नाही. म्‍हणुन सामनेवाले विमा कंपनीने विमा क्‍लेम नाकारलेबाबत पत्र तक्रारदाराला दिले होते, ही बाब प्रथमदर्शनी सिध्‍द करू शकले नाही व माहितीचे अभावामुळे तक्रारदाराला सदर तक्रार दाखल करण्‍याचे कारण सतत घडत राहीले आहे, असे आयोगाचे मत आहे. सबब खालीलप्रमाणे आदेश पारीत करण्‍यात येत आहे.

आ दे श