निकालपत्र

निकाल दिनांक – ३०/०७/२०२०

(द्वारा द्वारा अध्‍यक्ष : श्री.विजय चंद्रलाल प्रेमचंदानी)

___________________________________________________________

१.   तक्रारदार यांनी ग्राहक संरक्षण कायदा १९८६ कलम १२ अन्‍वये सदर तक्रार दिनांक १४-०२-२०२० ला दाखल केलेली होती. वरील नमुद तक्रारीत तक्रारदारतर्फे दिनांक २५-०२-२०२० ला दाखल सुनावणीवर युक्तिवादासाठी ठेवण्‍यात आली होती. त्‍यानंतर तक्रारदाराचे विनंतीवरून पुढील तारीख अतिरीक्‍त दाखल सुनावणीचे युक्तिवादाकरीता दिनांक २६-०२-२०२० ला ठेवण्‍यात आलेली होती. त्‍यानंतर दिनांक ११-०३-२०२०, ३०-०३-२०२०, ०४-०६-२०२० व आज दिनांक ३०-०७-२०२० ला ठेवण्‍यात आलेली असुन तक्रारदार व त्‍याचे वकील सतत गैरहजर आहेत.  

२.   तक्रारीची पडताळणी करतांना असे दिसुन आले की, तक्रारदार व सामनेवाले यांमध्‍ये वीज वापराविषयी वाद आहे. तसेच सामनेवालेने तक्रारदाराला राज्‍य विद्युत अधिनीयम २००३ कलम १३५ नुसार वीज चोरी संदर्भात नोटीस पाठविली आहे. सदर नोटीसवर तक्रारदार याचा आक्षेप आहे, म्‍हणुन सदर तक्रार या जिल्‍हा आयोगात दाखल करण्‍यात आलेली होती.  मा. सर्वोच्‍च न्‍यायालयाने यु.पी. पावर कॉर्पोरेशन विरूध्‍द अनिस अहमद या न्‍यायनिवाड्यात दिलेल्‍या  निर्णयानुसार जर विद्युत धारकाचे विरूध्‍द कलम १३५ विद्युत कायदा २००३ प्रमाणे तक्रार दाखल करण्‍यात आली तर त्‍या तक्रारीविषयी जिल्‍हा ग्राहक मंचाला त्‍या वाद निवारण करता अधिकार क्षेत्र नाही. सबब खालीलप्रमाणे आदेश पारीत करण्‍यात येत आहे.

आदेश