जिल्‍हा ग्राहक तक्रार निवारण मंच, धुळे.
ग्राहक तक्रार क्रमांक – ४६/२०१४
तक्रार दाखल दिनांक – १४/०३/२०१२
तक्रार निकाली दिनांक – २४/०९/२०१४
श्री. प्रभाकर दिनकरराव देशमुख
उ.व. ६२ वर्ष, धंदा – निवृत्‍त
रा.प्‍लॉट नं.२३, श्रेयस कॉलनी,
इंदिरा गार्डनच्‍या पाठीमागे देवपूर, धुळे . तक्रारदार
विरुध्‍द
श्री दादासाहेब वामन विष्‍णु शिनकर नागरी सहकारी पतपेढी मर्या., धुळे
(नोटीसीची बजावणी प्रशासक यांचेवर व्‍हावी)
1. एस.के. महंत (प्रशासक)
श्री दादासाहेब वामन विष्‍णु शिनकर नागरी सहकारी पतपेढी मर्या., धुळे
चितळे हॉस्पिटल समोर देवपूर धुळे . सामनेवाला
न्‍यायासन
(मा.अध्‍यक्षा – सौ.व्‍ही.व्‍ही. दाणी)
(मा.सदस्‍य – श्री.एस.एस. जोशी)
उपस्थिती
(तक्रारदारातर्फे – अॅड.श्री.एस.वाय. शिंपी)
(सामनेवालातर्फे – अॅड.श्री.पी.बी. कुलकर्णी)
निकालपत्र
(दवाराः मा.सदस्‍य – श्री.एस.एस. जोशी)
१. तक्रारदार यांनी सामनेवाला यांच्‍या पतसंस्‍थेत मुदत ठेव पावतींमध्‍ये गुंतवलेली रक्‍कम मागणी करुनही परत दिली नाही म्‍हणून त्‍यांनी सदरची तक्रार या मंचात दाखल केली आहे.
२. तक्रारदार यांची थोडक्‍यात अशी तक्रार आहे की, तक्रारदार यांनी सामनेवाला ‘श्री दादासाहेब वामन विष्‍णु शिनकर नागरी सहकारी पतपेढी मर्या., धुळे’ या पतसंस्‍थेत मुदत ठेव पावतींमध्‍ये रक्‍कम गुंतविली होती. त्‍याचा तपशील खालील प्रमाणे.
पावती क्र. | ठेव रक्‍कम | ठेव दिनांक | देय दिनांक | | देय रक्‍कम |
-
| -
| -
| -
| -
| -
|
-
| -
| -
| -
| -
| -
|
-
| -
| -
| -
| -
| -
|
-
| -
| -
| -
| -
| 23,580/ |
-
| -
| -
| -
| -
| 23,580/ |
-
| -
| -
| -
| -
| 23,580/ |
-
| -
| -
| -
| -
| 23,580/ |
-
| -
| -
| -
| -
| -
|
एकुण रक्‍कम रूपये | -
|
३. तक्रारदार यांनी सामनेवाला यांच्‍याकडे वरील देय रक्‍कमेची वेळोवेळी मागणी केली असता सामनेवाला यांनी सदरील रक्‍कम तक्रारदार यांना दिली नाही. सबब तक्रारदार यांनी सामनेवाला यांच्‍याकडून मुदत ठेव पावतींमधील एकूण देय रक्‍कम रूपये १,८०,७८०/- व त्‍यावर रक्‍कम मिळेपर्यंत १२% प्रमाणे व्‍याज, तसेच मानसिक त्रासापोटी रक्‍कम रूपये १०,०००/- व अर्जाचा खर्च रूपये ५,०००/- अशी एकूण रक्‍कम सामनेवाले यांचेकडून मिळावी, यासाठी सदरचा तक्रार अर्ज दाखल केला आहे.
४. तक्रारदार यांनी आपल्‍या म्‍हणण्‍याच्‍या पुष्‍ट्यर्थ मुदत ठेव पावतींच्‍या छायांकीत प्रती नि.४ सोबत दाखल केलेल्‍या आहेत.
५. सामनेवाले यांनी मंचात हजर होवून लेखी खुलासा दाखल केला. त्‍यात त्‍यांनी म्‍हटले आहे की, तक्रारदार हे सदर पतसंस्‍थेचे भागधारक ‘अ’ वर्ग किंवा ‘ब’ वर्गामध्‍ये येत असल्‍यामुळे ते स्‍वतः मालकच आहे, त्‍यामुळे सदरची तक्रार दाखल करण्‍याचा अधिकार तक्रारदार यांना नाही. आत्‍तापर्यंत ३८ कोटींपेक्षा जास्‍त ठेवी अत्‍यंत अल्‍पावधीत अदा केल्‍यामुळे पैसे देण्‍यास अडचण निर्माण होत आहे. सामनेवाले हे सर्व ठेवीदारांचे प्राधान्‍याने रक्‍कमा देत आहेत व तक्रारदार यांनाही नियमाप्रमाणे जी रक्‍कम निघेल ती देण्‍यास तयार आहे. तसेच मा.उच्‍च न्‍यायालयाच्‍या औरंगाबाद खंडपीठाने रिट पिटीशन नं.५२२३/२००९ मधील विवेचनाप्रमाणे संचालकांना वैयक्तिकरित्‍या जाबबदार ठरविता येत नाही. सबब सदरची तक्रार रदद करण्‍यात यावी अशी विनंती सामनेवाले यांनी केली आहे.
६. तक्रारदार यांची तक्रार, त्‍यासोबत दाखल केलेली कागदपत्रे, सामनेवाले यांनी दिलेला खुलासा आणि उभयपक्षाच्‍या विद्वान वकिलांनी केलेला युक्तिवाद पाहता आमच्‍यासमोर निष्‍कर्षासाठी खालील मुददे उपस्थित होतात व त्‍याची उत्‍तरे आम्‍ही सकारण खालील प्रमाणे देत आहोत.
मुददे निष्‍कर्ष
- तक्रारदार हे सामनेवाले यांचे ग्राहक आहेत काय ? होय
- सामनेवाले यांनी तक्रारदार यांना सेवा देण्‍यात
कसूर केली आहे काय ? होय
- तक्रारदार हे सामनेवाले यांच्‍याकडून देय रक्‍कम
व्‍याजासह आणि मानसिक त्रास व तक्रार अर्जाच्‍या
खर्चापोटी भरपाई मिळण्‍यास पात्र आहेत काय ? होय
ड. आदेश काय ? अंतिम आदेशाप्रमाणे
७. मुद्दा ‘अ’ - तक्रारदार यांनी सामनेवाले यांच्‍याकडे मुदत ठेव पावतींमध्‍ये रक्‍कम गुंतविली होती. आपल्‍या म्‍हणण्‍याच्‍या पुष्‍ट्यर्थ त्‍यांनी मुदत ठेवपावतींची छायांकीत प्रत नि.४ सोबत दाखल केलेल्‍या आहेत. त्‍यावरून तक्रारदार हे सामनेवाले यांचे ग्राहक आहेत हे सिध्‍द होते. म्‍हणून मुददा ‘अ’ चे उत्‍तर आम्‍ही होय असे देत आहोत.
८. मुद्दा ‘ब’ - प्रस्‍तुत प्रकरणात तक्रारदार यांनी तक्रारीचे अनुषंगाने दाखल केलेली कागदपत्रे पाहता त्‍यांनी पतसंस्‍थेत मुदतठेव पावतींमध्‍ये रक्‍कम गुंतविली होती ही बाब सिध्‍द होते. तक्रारदार यांनी सामनेवाला यांच्‍याकडे गुंतवलेली रक्‍कम परत करणे हे पतसंस्‍थेचे कर्तव्‍य होते. परंतु मागणी करुनही रक्‍कम न देणे ही सामनेवाला यांची तक्रारदार यांना द्यावयाच्‍या सेवेतील त्रुटी आहे असे या मंचाचे मत आहे. म्‍हणून मुद्दा क्र.२ चे उत्‍तर आम्‍ही होकारार्थी देत आहोत.
९. मुद्दा ‘क’ - तक्रारदार यांनी दाखल केलेल्‍या मुदत ठेव पावतींमधील व्‍याजासह होणारी रक्‍कम सामनेवाला ‘श्री दादासाहेब वामन विष्‍णु शिनकर नागरी सहकारी पतपेढी मर्या., धुळे’ व प्रशासक यांच्‍याकडून मिळावी अशी मागणी केलेली आहे. परंतु, प्रशासक हे शासकीय कर्मचारी असल्‍यामुळे त्‍यांना तक्रारदारांची रक्‍कम देण्‍यास जबाबदार धरता येणार नाही. या सर्व बाबींचा विचार होता तक्रारदार हे सामनेवाले पतसंस्‍था श्री दादासाहेब वामन विष्‍णु शिनकर नागरी सहकारी पतपेढी मर्या., धुळे यांचेकडून मुदत ठेव पावती क्र.२०२७५, २०२७६, २०२७७, २०२७८, २०२७९, २०२८०, २०२८२ मधील एकूण रक्‍कम रूपये १,८०,७८०/- व त्‍यावर देय तारखेपासून संपूर्ण रक्‍कम फिटेपर्यंत द.सा.द.शे.६ टक्‍के प्रमाणे व्‍याज अशी एकूण रक्‍कम मिळण्‍यास पात्र आहेत असे या मंचाचे मत आहे.
तक्रारदार यांनी दाखल केलेली मुदत ठेव पावतींमधील व्‍याजासह होणारी रक्‍कम सामनेवाला यांच्‍याकडून परत मिळावी म्‍हणून तक्रारदार यांना सामनेवाला श्री दादासाहेब वामन विष्‍णु शिनकर नागरी सहकारी पतपेढी मर्या., धुळे यांच्‍याविरुध्‍द या मंचात दाद मागावी लागली आहे. त्‍यामुळे मानसिक त्रास सहन करावा लागलेला आहे व अर्ज दाखल करण्‍यासाठी खर्चही करावा लागलेला आहे. सबब तक्रारदार हे सामनेवाला यांच्‍याकडून मानसिक त्रासापोटी रु.२०००/- व अर्जाच्‍या खर्चापोटी रक्‍कम रू.१०००/- भरपाई मिळण्‍यास पात्र आहे, असे या मंचाचे मत आहे. म्‍हणून मुद्दा ‘क’ चे उत्‍तर आम्‍ही होकारार्थी देत आहोत.
१०. मुद्दा ‘ड’ - वरील सर्व विवेचनावरून पुढील प्रमाणे आदेश करण्‍यात येत आहे.
आ दे श
१. तक्रारदार यांचा तक्रार अर्ज मंजूर करण्‍यात येत आहे.
२. सामनेवाले श्री दादासाहेब वामन विष्‍णु शिनकर नागरी सहकारी पतपेढी मर्या., धुळे यांनी तक्रारदार यांना सदर आदेशाचे तारखेपासून पुढील तीस दिवसांच्‍या आत मुदत ठेवपावती क्र.२०२७५, २०२७६, २०२७७, २०२७८, २०२७९, २०२८०, २०२८२ मधील एकूण रक्‍कम रूपये १,८०,७८०/- व त्‍यावर दि.१९/०७/२००९ पासून संपूर्ण रक्‍कम फिटेपर्यंत द.सा.द.शे.६ टक्‍के प्रमाणे व्‍याज द्यावे.
३. मानसिक त्रासापोटी रक्‍कम रू.२,०००/- (अक्षरी रूपये दोन हजार मात्र) व अर्जाचे खर्चापोटी रक्‍कम रू.१,०००/- (अक्षरी रूपये एक हजार मात्र) द्यावे.
४. वर नमूद आदेशाची अमंलबजावणी (अध्‍यक्ष/संचालक/व्‍यवस्‍थापक/प्रशासक/ अवसायक) यापैकी वेळोवेळी जे कोणी पतसंस्‍थेचा कारभार पाहात असतील त्‍यांनी करावी. तसेच क्र.२ मधील रकमेपैकी काही रक्‍कम अगर व्‍याज दिले असल्‍यास, अगर कर्ज दिले असल्‍यास सदरची रक्‍कम वजावट करुन उर्वरित रक्‍कम अदा करावी.
-
-
(श्री.एस.एस. जोशी) (सौ.व्‍ही.व्‍ही. दाणी)
सदस्‍य अध्‍यक्षा
जिल्‍हा ग्राहक तक्रार निवारण मंच, धुळे.
