Dated The 21 May 2015

तक्रारदार गैरहजर. सामनेवालेचे वकील क्रांती तांदळे हजर.

त्‍यांनी अधिकारपत्रदाखल केले. प्रकरण आज तक्रारदारांचे पुरावा शपथपत्रासाठी नेमणेत आले होते. तथापि तक्रारदार गैरहजर. संचिकेची पाहणी केली असता सामनेवाले यांनी लेखी कैफियत तसेच पुरावा शपथपत्र दि. 22/07/2011 रोजी दाखल केलेले आहे. त्‍यानंतर तक्रारदारांनी पुरावा शपथपत्र दाखल करणेकामी बरीच संधी देणेत आली होती. दि. 18/02/2012 रोजीचे रोजनाम्‍याप्रमाणे तक्रारदारांना त्‍याकामी अंतिम संधी देण्‍यात आली होती. परंतु त्‍यानंतर तक्रार सातत्‍याने गैरहजर असल्‍याचे दिसून येत व चार वर्षांची संधी मिळूनही त्‍यांनी पुरावा शपथपत्र दाखल केलेले नाही. तक्रारदारांचे सततचे अनुपस्थितीमुळे तक्रारदार यांना या प्रकरणात तक्रार पुढे चालविण्‍यास स्‍वारस्‍य दिसून येत नाही व ते त्‍याबाबत जागृत/सजग व गंभीर आहे असे मंचास वाटत नाही.

मंचाचा कार्यभार बघता पुढील तारीख देणे योग्‍य नाही. सबब तक्रार ही ग्रा.सं. कायदयाच्‍या कलम 13(2)(क) प्रमाणे खारीज/Dismissed for Default करण्‍यात येते.

खर्चाबाबत आदेश नाही.

हाच अंतिम आदेश समजण्‍यात यावा.

या आदेशाच्‍या प्रती उभय पक्षकारांना निःशुल्‍क टपालाने पाठविण्‍यात याव्‍यात.