द्वारा मा. श्री. व्ही. पी. उत्पात, अध्यक्ष

प्रस्तुतची तक्रार ग्राहकाने जनमाहिती अधिकारी, परिमंडळ अधिकारी, ई विभाग, येरवडा, पुणे – 6 यांच्याविरुद्ध सेवेतील त्रुटीकरीता दाखल केलेली आहे. या प्रकरणातील कथने व कागदपत्रांचे अवलोकन केले असता असे दिसून येते की, तक्रारदार यांनी जनमाहिती अधिकार्‍यांकडे माहिती पुरविण्यासाठी अर्ज केला होता. त्यांनी माहिती न दिल्यामुळे तक्रारदार यांनी प्रथम अपिलीय अधिकारी यांच्याकडे अपील केले होते. सदरचे अपील मंजूर होवून संबंधीत अधिकार्‍यांना माहिती देण्याचे आदेश झालेले आहेत. त्याचप्रमाणे माहिती न दिल्यास दंड भरावा लागेल, असेही कळविण्यात आले आहे. अशा परिस्थितीमध्ये या आदेशाची अंमलबजावणी तक्रारदार यांना संबंधीत विभागाकडेच करता येईल. त्याकरीता तक्रारदार यांना ग्राहक मंचामध्ये तक्रार दाखल करण्याचे काहीच कारण नाही. सबब, प्रस्तुतची तक्रार फेटाळण्यात येते.