तक्रार उभय पक्षांचे मौखीक युक्‍तीवादासाठी नेमलेली असताना आजही त.क.  श्री उमाकांत ज्ञानेश्‍वर कोटांगले आणि त्‍यांचे वकील श्री पी.एम.टेंभूर्णीकर गैरहजर आहेत. विरुध्‍दपक्ष महाराष्‍ट्र राज्‍य विज वितरण कंपनी तर्फे वकील श्री डी.आर. निर्वाण हजर.  मागील रोजनाम्‍यांचे अवलोकन केले असता त.क. श्री उमाकांत कोटांगले आणि त्‍यांचे वकील श्री टेंभूर्णीकर हे सातत्‍याने गैरहजर आहेत,   मौखीक युक्‍तीवादासाठी त्‍यांना बरीच संधी देण्‍यात आली परंतु ते गैरहजर आहेत, यावरुन त्‍यांना प्रस्‍तुत तक्रार जिल्‍हा ग्राहक आयोगा समोर चालविण्‍याचे स्‍वारस्‍य दिसून येत नाही करीता तक्रार ग्राहक संरक्षण कायदा-2019 चे नियम-12(4) नियमांसह वाचा नियम-12(9) अनुसार (Consumer Protection Act-2019 Under Rule-12 (4) Read with Rules -12 (9 )  खारीज (Dismissed in default) करण्‍यात येते. निशाणी क्रं 1 वर आदेश पारीत करण्‍यात आला. तक्रार नस्‍तीबध्‍द करण्‍यात येते. आदेशाची नोंद उभय पक्षकार व त्‍यांचे अधिवक्‍ता यांनी घ्‍यावी.