निकालपत्र

निकाल दिनांक – १२/०२/२०२१

 (द्वारा अध्‍यक्ष : श्री.विजय चंद्रलाल प्रेमचंदानी)

__________________________________________________________

१.   तक्रारदार गैरहजर. तक्रारदारतर्फे वकील श्री.मुळे हजर. दाखल सुनावणीवर युक्तिवाद ऐकण्‍यात आला.  त्‍यात असे सांगण्‍यात आले की, सामनेवाले बॅंकेने दिनांक १२-१०-२०१७ रोजीला दंड करून एन.ओ.सी. दिली. त्‍यामुळे रजिस्‍ट्रार ऑफ कंपनीज यांचा दंड भरावा लागला. सामनेवालेने दंड भरला व १७ दिवस  उशीराने एन.ओ.सी. देण्‍यास विलंब केला, ही सामनेवालेची तक्रारदाराप्रती सेवेत त्रुटी आहे. म्‍हणुन त्‍याची तक्रार स्विकृत करण्‍यात यावी, अशी विनंती केली.  तक्रारदाराने तक्रारीचे परिच्‍छेद क्रमांक १० मध्‍ये असे नमुद केलेले आहे की, सदर तक्रार दाखल करणेकरीता कारण घडल्‍यानंतर दोन वर्षाचे आत तक्रार दाखल करण्‍यात आलेली आहे.  परंतु तक्रारीचे पडताळणी करतांना असे दिसुन आले की, सदर तक्रार दाखल करण्‍याचे कारण दिनांक १२-१०-२०१७ ला झाले आहे व त्‍यानंतर रजिस्‍ट्रार ऑफ कंपनीज कडे दंड भरल्‍याची पावतीही घेतली होती.  सदर तक्रार आयोगामध्‍ये दिनांक २१-१२-२०२० ला दाखल करण्‍यात आली आहे. तक्रारीतसुध्‍दा कोणताही विलंब माफीचा अर्ज नाही. सदर तक्रार दाखल करण्‍याचे कारण घडल्‍यानंतर तीन वर्षाचे नंतर आयोगासमक्ष दाखल केली असल्‍याने सदर तक्रार मुदतीत दाखल करण्‍यात आली नाही. सबब खालीलप्रमाणे आदेश पारीत करण्‍यात येत आहे.

आदेश